Smålom...
18.5.2010 vil for alltid sitte spikra i minnebanken min. For ein med sterk lidenskap for sjøfugl, så var dette ein spesiell dag. Vermeldinga lova NV laber/frisk bris, mulig liten kuling. Dagen før hadde det trukket bra med Smålom forbi Skagen i Danmark. Dei fleste av desse trekker nok inn over Sverige på veg mot russiske hekkeplasser, men det synte at det var lom på trekk..
Eg gjekk ut tidleg på morgonen og satte meg i trappa på fyret ca 0545. Dei fyrste 15 minuttane var det lite som trakk. Rett over 6 løysna det og lommane kom trekkande forbi. Vindstyrken var som lova, men vindretninga var meir på nordaust, noko som gjorde at lommane trakk lenger ute på sjøen. Det gjekk likevel bra med Smålom om enn langt ute. På det meste hadde eg 4 flokkar med tilsaman 40 lom i synsvidda! Fram til eg slutta og telja klokka 11.00 hadde det passert 430 Smålom! Solid ny rekord. Det trakk også andre sjøfugl utan dei store antalla. Total artsliste for dagen blei på over 50 arter.
Det er registrert bra antall med trekkande Smålom også andre år på fyret. I løpet av dei 20 åra med har hatt drift på stasjonen, så har det vore 6 dager med over 200 Smålom. Høgaste notering tidlegare var 295 Smålom 2.5.2009 og 264 ind 15.5.2006.
Legger med eit steminingsbilete for soloppgangen..
Arkivfoto av Smålom og Vikingbåt på trekk mot nord
Morgenstemning retning aust