Trostesanger!

Publisert: John Grønning Saturday  10. June 2006

Trostesanger på Heigrestad i dag!

Reiste ut i 10 tida i dag med Kvassheim som mål. På veg ned frå Ege såg eg skodda låg tjukk nordover og ut i havet. Eg satsa på å sjekke lokalitetane så langt nord som skodda begynte. Første stopp var Heigrestad. Rulla ned vinduet og Bingo! Trostesanger! Stilig! Den kraftige og eksplosive sanga ljoma utover tjernet. Sinnsykt kraftig sang, Sivsangaren i bakgrunnen blei fulstendig overdøva.

Ringte rundt til lokale folk før eg la han ut på bombevarslaren. Rune E kom med lyd og me fekk endeleg sett fuglen. Etter dette synte han seg fram fleire gonger om enn kort i toppen på sivet. Det kom etterkvart tilreisande folk frå Lista og Jæren, i tillegg til lokale fuglekikkare.