Dalane Lokallag | BirdLife Norge

5.11.05 er ein dag eg vil huske lenge. Både på grunn av observasjonane som eg gjorde den dagen og reaksjonane etterpå.

Eg gjekk utover mot fyret i lysninga rett før 8 på morgenen. Litt "tungt" i været men det såg ut til å bedre seg. Eit kraftig regnvær hadde passert over i løpet av siste 24 timer. Det var derfor med godt håp at eg la i veg utover. Sidensvansen dukka opp nesten umiddelbart då eg byrja å gå. Småflokker med Gråsisik og Grankorsnebb dominerte i lufta utover langs vegen. 2 ubestemte vadere eg skremte opp rett før bukta ga meg hodebry, men eg klarte ikkje sjå kva det var slags art. Ein Gråspett varsla i Rødtoppskogen (1.ste plantinga ein kjem til på veg utover). I det eg rundar svingen der ein kan sjå linken, ser eg fleire Gråtroster og Svarttroster som kjem trekkande over frå vest og inn i skogen på nedsia av Linken. Eg passerer siste grinda og fleire Svarttroster flyg opp frå bakken og inn i skogen. Eg følger dei med blikket inn i skogen og brått hopper det fram ein Måltrost-stor trost på ei grein. Avstanden er ca 15 m, men eg ser det umiddelbart. "fuglen har jo kvit stripe over og bak auget"! Fjørdrakta var og skiftergrå/svart i forhold til Svarttrostane. Eg fokuserer på å sjekke hodeteikningane og undersida på kroppen. Noterer detaljer i minnet. Prøver å fomle opp kikkerten, men fuglen hopper vekk før eg får sett noko særlig i kikkerten. Eg står igjen med høg puls og skjelvande hender. Småsnakker med meg sjølv i opphisselsen. "Alt stemmer jo med ung hann Sibirtrost!! Bombe!! Fa..!! dette trur ingen på"! (Eg såg 3 Sibirtroster i Kina i 1998 og gjenkjennelsen var umiddelbar).

Eg trør forsiktig rundt skogen i håp om å sjå fuglen igjen. Svarttrostane ser ut til å trekke nedover mot sjøen og rundt fjellet mot hagen og hytta til Tommassen. Eg følger etter, men granplantingane er vanvittig tette og nærmast ugjennomtrengelige. Ser fleire Svarttroster i hagen til Tommassen, men ingen Sibirtrost. Dette stemmer jo perfekt med oppførselen til Sibirtrosten: Ein kjapp tur fram for å sjå kva som skjer og så vekk så fort som bara det.

Eg tar ein pause i tråkkinga og stiller meg på knausen bak hytta. Gulsporv i lufta, kan gå langt mellom dei her ute. Snakker ì telefonen då 3 flotte stillits plutselig flyr lydlaust forbi meg på 30m hold! Flokkar med opptil 130 Gråsisik trekker over. I ein Grankorsnebbflokk er det ein finkefugl med ein lyd eg har høyrt før: Kjernebiter! Andre funn for stasjonen!

Eg får telefon frå Leif Arne. Han og Daniel er på veg utover. Dei sjekker granholta på nytt, mens eg skåder på sjøen. 2 ad Gulnebblom trekker sørover kloss i land. Leif Arne og Daniel kjem også opp på knausen med hytta og får med seg 2 enkle ad Gulnebba på trekk S. Eg blir aldri lei den arten.. Me trør gjennom hagen igjen, men utan hell. Klapping og gjennomtråkking i skogen der eg såg Sibirtrosten gjer heller ikkje resultat.

Dette er 7.ande funn i Norge om det blir godkjent..

Nokre tall frå 5.11.05:

Gulnebblom 4 ad ptS, Smålom 5 ptS, Hønsehauk 1F ptS over Seksarvika, Vandrefalk ad F, Spurvahauk, Tjeld 5+, Alkekonge 50+, Alke 20+, Gråspett 1, Gjerdsmett 30++, Rødstrupe 15+, Gråtrost 150+, Svarttrost 30+, Sibirtrost 1kM, Gulsporv 5+, Sivsporv 2+, Snøsporv 10+, Grankorsnebb 200+, Sidensvans 300+, Gråsisik 1500+,Tornirisk 2 m.m. Totalt 48 arter.